Behatokitik, Hirugarren Sektore Soziala eta haren ekarpena sustatu nahi dugu informazioaren kudeaketa-jardueren, ikerketa aplikatuaren eta sustapenaren bidez.
Gure jarduerak Hirugarren Sektore Soziala ezagutu eta ezagutzera ematera, ezagutza sortu eta zabaltzera, erakundeen kudeaketa hobetzera eta berritzera daude bideratuta.
Hirugarren sektore soziala sustatuz, gizarte bidezkoagoa, solidarioagoa eta parte hartzaileagoa eraikitzen laguntzen dugu.
Hirugarren sektoreko sare asko bezala, ikaskuntza-komunitatea gara. Gure jarduerek trukaketa eta elkarlana sortzea dute helburu, hirugarren sektore sozialaren baitan eta beste eragileekin batera, eta horrekin, oinarri-oinarritik gauza dadin lagunduko dugu.
Hainbat eragilek parte hartzen duten proiektua gara, eta era berean, haietatik independenteak gara. Independentzia hori, gure ereduan, hainbat eragilerekin eta haien artean izandako elkarrizketaren eta elkarlanaren fruitua da.
Gure lanaren emaitzetarako eta tresna eta prozesuetarako sarbide irekia eta doakoa eskaintzen dugu. Sortzen ditugu produktu guztiak Creative Commons lizentziaren bidez erabilera komertzialik gabe berriz erabiltzeko eskuragarri daude. Gardenak izanik, eragile baten zerbitzura edo interes partikularrera dagoen tresna bihurtzea saihesten dugu.
Gure jarduera oro (informazioa eta dokumentazioa, ikerketa, sustapena) praktikara bideratzen da, izaera aplikatua du eta gogoeta eta ekintza konektatzen ditu.
Erakunde guztien zerbitzura gauden tresna gara: handiena, ertainena eta txikiena, zerbitzuak eskaintzen dituztenena eta eskaintzen ez dituztenena, pertsonak kontratatuta dituztenena eta boluntarioez soilik osatuta daudenena. Guztiei esker gaude eta elkarlanean oinarritutako hirugarren sektore sozial anitza zaindu eta sustatu nahi dugu.
Hirugarren sektorea sustatuz, gizarte parte hartzaileagoa eraikitzen laguntzen dugu, baita demokrazian sakontzen ere.
